Op de wyse van den 91. Psalm: Die in Godes bewaring' sterck. DAncken laet ons den grooten Godt Des Hemels, hem hoogh loven, Die op ons het ghenadich lot, Ghesonden heeft van boven, Tot liefde, vred' en eenicheyt, Anno 97.Ons heeft laten vergaren, Door gunste t'hert daer toe bereyt Verlost uyt het beswaren. Eeuwighe Vader, ghy wel zijt Weerdich lof te ontfangen, Van ons te zijn ghebenedijt, Ghepresen met verlanghen, Dat ghy ons ooghen hebt verlicht,
Twas u handt die dit dede,Ephes.1,18. Die ons gaf het Godtlijck ghesicht, Te soecken rechten vrede. Recht soo 'tis u begonnen werck, Bereyt door uwe handen, Versegelt dat, en maket sterck, Voortaen in alle landen Door uwen goeden heyl'ghen Geest, Tot lof van uwer eeren, Dat u ghemeynte aldermeest,Actor.16,5. Mach wassen en vermeeren. Rechte arbeyders hier toe sentMatt.9,38 Begaeftse, Heer, met crachten Ws Geestes, dat sy moghen jent, 'Tgheen aldermeest betrachten, Wat u Vader behaghen doet, 'Tis dat u volck ghepresen, Eenich zy met hert en ghemoet, In een Christelijck wesen. In uwen Naem, en door u macht, Moghen wy nu beginnen, Geeft ons doch sterckheyt ende cracht, Om recht te overwinnen, O lieve Heer, ghetrou te zijn, Volcomen, met jolysen Daer van die daet doenmaels gaf schijn,Anno 1597. den 26. Decemb. tot Hoorn. En 'twerck dede uytwysen. Cloecklijck wel bedacht met verstandt Hebben wy doe verheven, Elckanderen deGalat.2,9. rechte handt, En oock den mondt ghegeven, Verbindt ons herten oock bequaem Met reynder liefden vyerich, Als leden zijn aen een lichaem, Vreedsaem en goedertierich. Kenteyckenen van deser daet,Ioan.13,35 Dat wy die laten blijcken, In lief in leet, hoe dat hetgaet, Daer nimmer van en wijcken, Maer troulijck bystaen in der noot, In suer en soet op eerden,
In droefheyt als in blyschap groot, Heer, daer in trou volheerden. Rom.12,2.Proeven wat u behaeghlijck zy, En den Naesten mach stichten, En hoe wy die blinden hier by Souden mogen verlichten, Heer, doet open haer ooghen claer, Tis 'tgen' dat wy u beden, Verlichtse doch, O lieve Vaer, Door uwen gheest vol vreden. 1.Tim.1,10,Int recht verstandt ons onderhoudt, En in u heylsaem leere, Op Christum Iesum vast ghebout, Tot lof van uws Naems eere, Voor valsche leere ons behoet, En wat ons mocht verleyden, Dat wy dat moghen met der spoet, Verlaten, daer van scheyden. 1.Cor.8,2En wat ons noch van nooden is, Dat wy noch weten sullen, Dat wilt, O Heere, gantsch ghewis Door u goetheyt vervullen, Therte om dat te nemen aen, Gheeft ons tot onser baten, Lief Heer, wilt ons versorghen gaen, Op u wy ons verlaten. Ter eeren uwer goedicheyt, En vrientlijckheyt ghedachtich, En oock uwer 3.Pet.3,15.lanckmoedicheyt, Die ons maect levenachtich, En dat ghy ons geerne verhoort En ons saeck laet ghelinghen, Soo willen wy u met accoort, Eenen danckoffer bringhen. Apoc.5,13.Salicheyt, macht, eere en de prijs Zy u t'eeuwighen daghen, Ghy Coninck groot, machtich en wijs, V Goddelijck behaghen, Moet gheschieden het leven lanck, Van ons alle te samen,
O lieve Heer, laet desen sanck, Voor u recht comen, Amen.
Cookies on Poetry Cove