Op de wijse: Ick clom op eenen Boom, etc. ALs ick tot u ben comen, Wt Broederlijcker aert, En heb aldaer vernomen, Hoe dat ghy waert vergaert Als kinderen Gods die te samen saten. Niet heb ickt connen laten, Wt liefden die my drangh, V oock in goeder maten Te dichten desen sangh, Dat ghy hem in der vresen Gods sout singen. Noch neerstiger volbringen, Dan ghy oyt hebt ghedaen, Gods wil, voor alle dinghen, So ghy hem hebt verstaen, Want uyt ghenade is het u ghegheven. Een onvergancklijck leven, Is nu voor u Mat.19,30 bereyt, Maer ghy moet vast aencleven, Hem die't heeft toegheseyt, Hoopt vast op hem, sijn woorden zijn waerachtich. Kent ghy den Heer almachtich, Soo houdt vast sijn verbondt, Ghy zijt noch wel gedachtich, Wat ginck uyt uwen mondt, Doe ghy u knyen hebt voor Godt ghebogen. En hebt naer u vermoghen,Marc.8,34 V selven gantsch versaect, En Christum aengetogen,Galat.3,27. Want anders waert ghy naeckt
En bloot, en moest comen eeuwich tot schanden. Rom.12,1.Neemt nu in uwen handen, Naer Paulus goeden raet, Heylighe Offerhanden, Siet dat ghy't niet en laet, V Ziel en lichaem offert hem met namen. Apoc.14,4.Met uwen lichaem t'samen Dient hem nu onbesmet, Ghy hebt die Christen namen, Hier op wel neerstich let, En wilt hem nu doch niet vergeeflijck dragen. O liefste, u behaghen, 1.Ioan.2,15.In dees werelt niet stelt, Op Vrienden ende Maghen, Oock niet op goet noch gelt, 2.Cor.5,2.Maer in den Hemel hebt steedts u verlangen. Loon sult ghy daer ontfanghen Apoc.14,3.Met Godts kinderen cloeck, Verblyden u Apoc.2,12.met sanghen, So ghy in't levens Boeck, Tot aen het eynd' uws levens blijft geschreven.
Cookies on Poetry Cove