nae de wijse: Mijn Godt voedt my als een Herder ghepresen, etc.
[V]An ghenade en rechte singhen wil ick,
Ende u, O Heere, lof segghen billick,
[V]oorsichtich ende redelijck ick handel
[S]y die my toebehoren, en ick wandel
[G]etrouwelijck in mijn huys nae't behooren,
[I]ck en neem my gheen boose sake vooren.
Den ouertreder met rechten haet ick,
Ende hem by my niet blijuen en laet ick,
Een verkeert herte dat moet van my wijck[en]
Den boosen en lijd' ick niet van ghelijcken,
Soo wie dat heymelijck van sijnen Naesten
Achterclap doet, die verniel ick met haesten
Ick en vermach ooc niet, noch en gedooge
Die stout gebaer heeft, en eenen moet hooge:
Mijn ooghen ouer al, nae den ghetrouwen
In den lande, mercken ende aenschouwen
Psal.15,1.Dat sy by my woonen sonder ontbeeren,
Ende vrome dienaren heb ick gheeren.
In mijn huys en houd' ick gheen valsche lieden,
Psal.5,7.De leughenaers by my niet en bedieden,
Iob,18,17Ick verniele oock vroech alle Godtloose
Psal.37.9.In den lande, soo dat ick alle boose
Pro.2,22.Quaetdoenders, oft misdaders vol oneeren,
T'samen uytroeye, uyt de stadt des Heeren.
Een is noodich.