Nae de wijse: Een eeuwighe vreucht, Syr.17.DE Heere sal, in den joncxsten dach Mat.6,4.Alle verborghen saken Int licht bringhen, nae Schrifts ghewach En openbarich maken, 2.Cor.5.10Elck wordt nae sijn werck gheloont, Die goede werden ghecroont Apoc,2.Daer de quade niet bestaen en moghen: Syr.1.Dus vreest den Heer oprecht, Psal.135.Want hy weet al wat men secht, Heb.4,13.T'is al ontdeckt voor sijnen ooghen. De Creatueren, t'zy cleen oft groot, Hy weet wat sy versieren, Psal.130.Hy is de Heere, t'is voor hem bloot,
[Hy pro]eft herten en nieren,Iere.17. [En hy] sach al deur den wandt [Nae] Ezechiels verstandt, [Doe s]y voor haer Afgoden booghen,Ezech.8,9 [Die se]crete Afgoderijen [Heeft] de Heere al wel ghesien, [Want] t'is al bloot voor s'Heeren ooghen.Hebr.4,13. [T']is voor de Heere bloot en ontdeckt, [Hy si]et binnen en buyten: [Hoe s]chalck den Mensche is, en deurtreckt, [Men] cant hem niet ontsluyten: [Soo 't] bleeck aen AnaniasAct.5,1. [En s]ijn Wijf, alsoo ick las, [Sy q]uamen t'samen voort met loghen, [Ma]er Godt op't selue pas [Sach] wel wat int herte was, [Wan]t t'is al bloot voor s'Heeren ooghen.Heb.4,13. [S]ymon Magus, nae Schrifts bedien,Act.8,19. [Me]rckt hoe hy is ghevaren, [Hy l]iet den Doop aen hem gheschien, [Me]t die gheloouich waren: [Ma]er soo Petrus secht, [Sijn] herte en was niet oprecht, [Ma]er ongherechtich was sijn pooghen: [M]aer Godt hooghe vermaert [Heu]et haest gheopenbaert, [Wa]nt t'is al bloot voor s'Heeren ooghen.Hebr.4,13. [D]wase waren oock ghesienMatt.25. [On]der de wijse eersame, [Wa]t sal doch de Lampe bedien,
Oft oock den blooten name, Isser gheen olye bereydt, Oft ghebreeckter t'Bruylofts cleydt, Hoe sal ons de Heere verhooghen En wy niet vernieut en zijn, Maer bedeckt met ijdel schijn, Hebr.4,13.Want t'is al bloot voor s'Heeren ooghen. gen.34,24Al heeft hem Sichem omme ghewent, En liet hem oock besnijden, Sijn soecken was den Heere bekent: T'was om Dyna ten tijden, In lijden met gheclach Quamense op den derden dach, Hem seluen heeft hy soo bedroghen, Soo gheveynst doch niet en schijnt: Want al wat den mensche dinckt, Heb.4,13Dat is al bloot voor s'Heeren ooghen. Apoc.3,15.En die van Laodicea, Het hieten rijcke lieden: Maer soo ick uyt de Schrift versta, Het hadde niet te bedieden, Sulck een spreeckwoordt van haer ginck, Haer en behoefde gheen dinck, Maer den geest die quam anders vertoog[en] Sy haddent qualijck ghemaeckt, Want sy waren blindt en naeckt, Hebr.4,13.Ellendich, bloot voor s'Heeren ooghen. mat.22,12Wat heuet dien vriendt gheprofiteert Die daer met de ghenooten Ter Bruyloft quam onghepareert:
[Hy w]as daer uytghestooten, [Wan]t de Heere wil doch scheen [De tar]we en t'kaf uyt een,Matt.13. [En al]le rancken die verdrooghen,Ioan.15. [Wil hy], nae Schrifts uytlech, [Afsn]ijden en werpen wech, [Wan]t t'is al bloot voor s'Heeren ooghen.Heb.4,13. [O]ns doen is al verloren pijn, [En] ons loopen ghelijcke: [Me]n moet van bouen herboren zijn,Ioan.3. [Oft] wy missen Gods Rijcke: [Ma]er die op den Heere verwachtEsai.40. [Die] ghecrijghen nieuwe cracht, [Dat] sy als eenen Arent opvloghen: [Elc]k neme hier op acht, [En] de traghe niet en slacht, [Wa]nt t'is al bloot voor s'Heeren ooghen.heb.4,13. [P]rince, laet ons in dit besluyt [De]n smallen wegh in treden,Matth.7. [De]n ouden Adam trecken uyt, [Do]oden de aerdtsche leden:Eph.4,22 [En] zijn begeerich elckColos.3,1. [Na]e de onghevalschte melck1.Pet.2,2. [Di]e wy uyt Zions borsten soghen, [En] soeckt Gods Rijcke goet,Mat.6.33 [W]ant al wat den Mensche doet, [D]at is al bloot voor s'Heeren ooghen.Heb.4,13. Schickt u nae den tijdt. Rom.12.
Cookies on Poetry Cove