nae de wijse van Achab ouer Israel verheuen. MEt herten wil ick u bewijsen Dat ghy my willecome zijt, Met eten en drincken, u spijsen, Sulcx als hier nu is ter tijt, T'is al te vooren, Gen.18,3.Vrienden vercooren, Gen.19,2.Al in den Heere saen, 4.reg.4,38Ghelijck wy weten Act.16,15.Dat de Propheten Alsoo hebben ghedaen. Gen.11,3.Men leest van Abraham den vromen, Dat hy heeft ontfanghen wel, Die van den Heere zijn ghecomen Om te doene sijn bevel: Voor alle dinghen Gen.18,4.Water sal men u bringhen, Sprack hy vry met lust, Om wasschen u voeten Tot u versoeten V onder den boom rust. Gen.18,5.Abraham die was sonder falen Iudi.19,5Door haer comste seer beslaeft
Een bete broodts sal men u halen,Iudi.19,55 Dat ghy wat u herte laeft,1.Reg.28,22. Niet langh' en beydel Tot Sara hy seyde:Ps.104,15 Haest u al met der spoet,Gen.18,6. Om semelmeel te kneden:mat.13,33. Sara weltevredenLuc.13,19. Die bieck die koecken goet. Nae de Runderen ginck hy loopen,Gen.18,7. Haeld' een Kalf fijn ende vet, Den Ionghen moest het vel afstroopen: Ende koocktet noch veel bet, Boter, melck voort dede,Gen.18,8. Ende van't Kalf mede, En daer af aten sy:Gen.18.9. Goetwillich hy haer dienden,Gen.19,3. Aldus lieve vriendenIudic.13,16 Zijt willecome my. De knecht van Abraham ghesonden,Iob,12,10 Tot Nahor willecom was,Gen.24,31 Desghelijcx mach men oorconden Van den jonghen Tobias:Tob.7.1. Men souder meer vinden, Als den wel-ghesindenAct.15,4. Gods knecht Paulus divijn,Act.28,16. Die heeft met verlanghenAct.28,31. Vriendelijck ontfanghen Die tot hem ghecomen zijn.Luce,1,36. T'was oock wel om te verbliene Elisabeth die vrouwe wijs,
Alss' om haer quam te besiene: Luce,1,49Maria die maeght propijs, Sprack om vreucht vermeeren, De Moeder des Heeren Die com tot my met vlijt, Wt vreuchdighen bedrijve T'kindt in mijnen lijve Huppelt, als nu ter tijt. Luce 19,6.Zacheus verblijde vaste, Act.16,34.Als de Heere tot hem sprack: T'avondt wil ick met u te gaste, Vrolijck dat zijn hert' ontstack, Door sulck ontfarmen, De helft den Armen Van mijnen goeden al: Exo.22,1.Heb ick quaet bedreuen, 2.reg.12,6.Gheerne weder gheuen Vier dobbelvout ick sal. Al sach men droefheyt en treuren Door't steruen van Lazarus, Ioan.13,20Groote blijdschap sach men ghebeuren Door des Heeren comste, dus Ioan.11,32Bysonder de reene Maria Magdaleene Die verblijdde gheheel: Martha liet sy slauen, Luc.10,42Stondt nae des Heeren gauen, Verkoos dat beste deel. Dat beste deel, uyt reynder jonste, Wensch ick die my comt besien,
Al uyt liefden, tot mijner woonste, Om malcander te verblien In rechter Gods vreesen, T'zy Weduwen, weesen, Oudt, jonck, groot ofte cleen, Zijt vry sonder schromen, Want seer willecomen Zij ghy vrienden ghemeen. Fecit Iacob Iansz.
Cookies on Poetry Cove