Nae de wijse: Vmbrosa vale, che da bei fior Di pinta.
[MI]jn fijn ydoone
Vriendinne uytghelesen,
[Siet], ghy zijt schooneCant.4,1.
[En o]nbevleckt ghepresen,
[Too]nt my u wesen
[In o]prechtighe zeden,
[En] wilt in vreden, te mywaerts treden.Cant.2,14
[W]ilt vrede houden,
[En i]n mijn liefde laeyen,
[Son]der vercouden,mar.9.50.
[Om] met vreuchden te maeyen,Heb.12,14
[Sal] ick u zaeyen
[Vruc]ht der gherechtichede,
[En d]eelen mede // in s'Hemels stede.
[He]melsche saken
[Laet] in u herte keesten,
[Om] wel te smaken,
Colos.3,1.Al doen de vreemde gheesten
V veel tempeesten,
En weest niet wanckelmoedich,
Maer ouervloedich, In deuchden spoedich.
1.cor.15,58Laet alle deuchden
2.Pet.1,5.Wt u ghelooue rijsen,
En wilt met vreuchden
Mijnen Name prijsen,
Ende bewijsen
Met uwen ganck diuijne
Hebr.11,13Vreemde te zijne, In dees Woestijne.
Cant.8,5.Dees wildernisse
Der Weerelt wilt verlaten,
En dan, wie isse
Mach men hooren praten,
Die daer in staten
Op vaert, ende gaet lenen
Op haer vriendt, ghenen, Die voor is henen.
Siet, ick ben vooren
Ioan.14,1Gaen de plaetse bereyden,
Psal.23.3.En nae't behooren
Esai.55.2.Sal ick u gheleyden
Apoc.7,17.In goede weyden,
Vol wellusten becleuen,
Ghy sult beneuen, My gherust leuen.
Een is noodich.