Nae de wijse: Godt is onse toevlucht. IEsus des soons Syrach Heeft thien stucken verheuen, Eerst, als een Man vreucht machSyr.24,9 Aen sijn kinders beleuen: Wie daer siet sneuen Sijn vyanden benout: Wel hem die heeft ghetrout (Van Godt ghegheuen)Pro.18,21 Een Wijf verstandich vroet,Syr.25,11ende 26,1. Want t'is een gave goet. Die oock gheen schaed' en doetSyr.25,12 Met sijn spreken expeerdich:Iacob.3,2 Wie niet dienen en moet Haer, die dat zijn onweerdich: Wel hem die veerdich
Heeft een ghetrouwe vrient, Die hem ter noot wel dient: Wel die volheerdich Is cloeck: Oock die Gods woort Leert, daerment gheerne hoort. Syr.25,16O (segt hy dan noch voort) Hoe groot is oock den wijsen: Maer die Godt vreest accoort, Is bouen al te prijsen: Niemandt te rijsen En is bouen hem, siet, Syr.25,17Want gheen dinck isser niet, Nae sijn advijsen, Dat in soo hooghen graet, Als de vreese Gods staet. De vreese Gods die gaet Bouen al, soo't mach blijcken, Wie daer in vroech en laet Vast blijft sonder afwijcken, By wien ghelijcken Syr.10,27Sal men sulck een vroom Helt? Vorsten hooghe ghestelt Ouer de Rijcken, Die en zijn al niet vry In eeren ghelijck hy. Syr.1,36.Maer siet toe vrienden ghy, Dat u vreese Gods gheene Gheveynstheyt doch en zy, Elck dat van herten meene, Want die alleene
Staet nae der Menschen roem, End' niet en meynet vroom Met ernst reene, Den sulcken en wordt daersyr.33,2. Door, veel te ergher maer. De Enghel Gods eerbaer,Psal34,8 Als eenen legher crachtich, Is altijdt rondtom haer, Die Godt vreesen eendrachtich, Oock is waerachtich, Dat die den Heere vreest,Syr.34,14 Heeft sijnen rechten Gheest, End' is deelachtich Den Heere, tot een groot Toeverlaet in den noot. De Heere sal hem blootPsa.25,12 Den besten wegh beraden, De wijsheyt, sal met t'broot Des verstandts hem versaden,Syr.15,8. End' uyt ghenaden Hem laden, seer planteyt Met t'water der wijsheyt, Niet en sal schaden Hem der hitten verdriet,Syr.15,5. ende 34,19 Die des middaeghs gheschiet. Summa, yet beters niet, Dan Gods vreese betrachten, En oock niet soeters siet,Syr.23,37 Dan op Gods ghebodt achten, Want sy verwachtenMal.3,17
Mal.4,2.Al die Godt vreesen fijn Sijn eyghendom te zijn, Houdt in ghedachten Aller leeringhe slot, Eccl.12,11Vreest Godt, houdt sijn ghebodt. Een is noodich.
Cookies on Poetry Cove