nae de wijse des 8.Psalm. Hebreus, Proselytus. Lamech. DIt was den Boom droogh toppig hel gespleten, Daer t'swerm Byen in ruyschte als wy gheseten, Daer onder eens aenhoorden maegder sang, En t'bosch rontom antwoorde in wederclanc. P. Doe Anna jongh en Agar Herderinnen Van t'suyver vuyr der houwelijcker minnen, Des Bruydegoms tot Sion en zijn Bruyd, Ontkeelden ons een gheestigh soet gheluyd. L. Wt Maeghdenborst de stemme is uytghelesen, Soo dat een Lied een ander schijnt te wesen, Alst comt soo uyt een Hemel keelden fijn, Met niet veel const maer aerdig sonder pijn. H. Witt' winde bloems'lijf-schoonheyt en wel singhen,
Zijn alle drie verganckelijcke dinghen, Wel singht hy die met singhen hem verlicht, Iae die God eerd en sijnen Naesten sticht. P. De Heydenschap met sangh verweckt Gods tooren, Haer vreught verwaerdt recht, Isralytische ooren, S'vleeschs vuylen lust sy liefde noemt en daer Is haer ghevlect der lieden van eenpaer, L. Doch wie daer in hier wandeld sal gheslaghen Sijn aldermeest, ten jongsten dag der dagen, In eeuwicheyt. Ock ist niet wonder dan,2.Pet.2.9 Dat yemant daer spreect geeren of singt van? H. Can water soet uyt bitter ader spruyten, Iac.3.11. Een herte daer God met zijn woord is buyten Hoe can dat in den Heere maken vreughd, In rechten geest vercondighen zijn deughd?1.Pet.2.9 P. Nu Heber dan en ghy ooc Lamech beyde Singht gheestlijcx yet om onser zielen weydt, Een traentgen most uyt den wijn-kelder soet,Cant.2.4. Brenght voort en schenckt tot Troost van ons ghemoet.
Cookies on Poetry Cove