De wijse des 69. Psalms. R. O Herder groot, s'heylich wachter goed, Der weereldt wijdt heerschapper allerDan.4.13. dinghen, Leerd ons altijd op rechte waerheyd singhen, So ghy u knechts Davids Herp snaren soet, Deed beven, wilt inwendich ons ghemoed, Verwecken reyn, en onse tonghe dwinghen, Ia gheeft dat wy als David moghen vroed, Den dienst uws wils ten eynde toe volbringenAct. 13.16 A. Voor elck Gods werck, met een schoon Lied eerbaer, Wt herten grond heeft David hoog gepresen, Den Schepper groot, en seer bemind' hy desenSyr.47.9 Den Altaer by bestelde hy sanghers daer Zijn Lieden soet, te singhen t'gantsche Iaer,1.Par.26.1. Op elcke Feest dat s'Heeren naem mocht wesen Seer hoogh gelooft, in somma David naer, Des Heeren hert en man was uytghelesen. R. God spreect door hem tot Syons Bruydegom, Ghy zijt mijn Soon gebaerd heb ick u heden, Eyscht soo sal ick u gheven d'onbesneden, Ia d'Heydens tot een erfnis t'eendersom, En s'weerelds eynd' oock tot een eyghendom, Met yser staf sult ghyse hier beneden, Te morsel slaen dus Coninghen hier om, Laet u doch doen goed onderwijs met reden. A. Ia Richters ooc hier op der Eerden ghy Berispen laet u, diend den Heer verheven, Met vreesen dan weest vrolijc doch met beven Ia kust den soon dat hy niet gram en sy.
Veel Prophecyen heeft noch ghesonghen hy, Door s'Heeren gheest, int Psalter boeck beschreven. Oock Salomon naer hem van desen vry, Sijn tot vermaec schoon Liedekens gebleven, R. Een vredigh rijck siet Salomon besat, Des Heeren huys dat bauwd' hy t'meeste wonder, Der weereld want God had als een besonder, Bauw-meester groot ghevoorbeeld selve dat Een constig werck, een heerlijck, seldsaem vat Noyt geen Mausool noch Ctesiphons werc-konder Ghewedden mede in const als oock in schat, Want t'was al Goud van boven af tot onder. A. In wijsheyd groot ghy Israels cieraet, Hoe hebt ghy laes so dwaes u gaen besmetten En laten vaen in wel bekende netten, S'vleesch weelde sot rijckdom en lust onmaet Door ledicheyd u t'seer gheliefde quaed, T'onkuysche vuyr int herte ginghen setten, Ia voeden soo dat soete vrauwen raed, Ghy steldet voor des Heeren wijse wetten. R. Dus hebt ghy laes vernuftige edel ziel, Vertoornd Godt door dwaesheyd onberadig, T'rijc werd verscheurd, maer in beloft gestadig Den wortel noch van David God behiel, Doe Israel af met thien stammen viel. Van Roboam een man dwaes ongenadigh, Syr.47.25.Niet doend' een gantsch uytroeyich fel verniel, T'lief-hebbers saed bewaerde hy weldadigh. A. Hoe wel dit zaed in wandel niet behaegt Als David heeft den Heere der Heyrscharen, Int tiende lit van David God de maren, Van zijn beloft vernieuwt heeft en gewaeght Tot Ahas, dus ontfanghen sal een Maeght, Esa.7.15.Een Maeght bevrucht sal eenen sone baren, Immanuel werd sijnen naem (wie't vraeght) Dats God met ons om t'voort te recht verclaren. Esai.9.5.R. Noch Amos soon Esaias' Heeren knecht
Heeft breeder ons van des geboort geschreven. Een kind is ons gheboren jae ghegheven, Is ons een sone op wiens schouders geleght, Sijn heerschappye is sijnen naem hy seght, Wonderlijck, Raed, ja Held en cracht verheven, Een Vader oock die eeuwigh is ja recht Goed vreden Vorst, des namen hem aencleven. A. Noch vorder siet een Roede sal op gaen. Van Isai de stamme uytghelesen, Een spruyt sal uyt zijn wortel opgheresen:Esai.11.1. Vrucht brengen voord daer rustend op sal staen Des Heeren geest des wijsheyt geest, daer aen, Oock des verstants den gheest des Raeds tot desen Der sterckten oock des kennis gheest gedaen, Daer toe den geest oock van des Heeren vreesen. R. Immanuel verlosser niet vertreckt,esa.59.20. V comst voor die tot Syon op u wachten, Comt heerlijck licht, verlicht alle geslachten,Esa.60.1. Die nu dus zijn met donckerheyd bedeckt, Comt rechte vrucht van David opgheweckt,Iere.23.5 Comt Coningh heerscht op Eerden wel met crachten, Dat over al gherechticheyd haer streckt, Wilt Iuda doch te helpen haest betrachten. A. Ghesalfden comt en predickt openbaer, T'ellendigh volck, oock allen die ghebrokenEsa.61.1. Van herten zijn verbindingh, al t'beloken, Ghevangen volck verlost uyt banden swaer, Comt predickt ons een soet ghenadigh Iaer, Cieraet voor assche, en cleeren soet van roken, Gheeft voor getreur, ja vreughden Oly claer, Laet zijn gebaud t'verwoeste alst is voorsproken.
Cookies on Poetry Cove