C Nae die wijse vanden Slach van Greuelinghe. ALle te samen aenhoort Ghy Christenen ouer al Willem Damman dienaer des Woorts te Hontschoten in West vlaenderen Hoe datmen nv verstoort D'wtuercoren ghetal In dese Nederlanden Sietmen nv soo ghebeuren Gods kinderen verbranden En brenghen int ghetreuren. Men hoort nv anders niet Dan druck aen elcken cant Te Honschote soomen siet Is nv groot iammer want De Procureur verwoedich Heefter neghen gheuanghen De welcke als schaepkens goedich Psal. 44. 23.Rom. 5. 36 Al nae den slach verlanghen. Al met seer groot ghewelt Den tweeentwintichsten dach In Sprockel tsy v vertelt Anno 1562 Smorghens ten vijuen ach Ses mans drye vrouwe persoonen Ghecoort ende ghebonden Gheworpen sonder verschoonen In Muyten al warent honden. O Godt van Hemelrijck Sal dit niet nemen endt Soo wert in groot versijck Dijn Bruyt haestich gheschent
Psal. 12. 8.apo. 17. 14 ende 19. 16.Van dit boose gheslachte Beurijtse o Heere der Heeren Dat sy by daghe en nachte Mach dijnen lof vermeeren. Psal. 115. ende 111.Psalm. 65. ende 76.Jesa. 38. 19Mal. 1. 11.Niemant en gheeft by danck Dan dijn ghemeente soet Die altijt met verlanck Vwen Name prijset goet En dijnen lof verbreydet In alle hoecken der eerden V Heylich Woort wtspreydet En houdt in grooter weerden. In al ons lijden groot O Vader staet ons by Dat wy tot in de doot Vwen naem belijden vry Voor Heeren ende Princieren mat. 10. 19mar. 15. 11.luc. 12. 11.Wilt onse mont en tonghe Seer wijsselijck regieren Voor elcken oudt en ionghe. mat. 10. 281. pet. 3. 14Apo. 12. 2. ende 13. 7.Apo. 14. 8. ende 18. 2. ende 20. 10.Vreest niet o Broeders mijn Haer dreyghen obstinaet Al doetse v dobbel pijn Als roock haer rijck vergaet Die Hoere en haren Boel Met al haer valsche Propheten Werden haest in den poel Al te samen ghesmeten. Apo. 18. 21 Als eenen Meulensteen Van bouen nederdaelt Alsoo wert Babel onreen
Wert dan niet meer verhaelt Laet ons nv vrome knechten Eccl. 4. 33.Heb. 12. 4Apo. 2. 10. Lijf en leuen waghen En voor de waerheyt vechten Seer cloeck en onuerslaghen. Oorlof aen arm en rijck Int Hondtschotsche prieel Al doetmen ons onghelijck Die boose ontfaen haer deel Rom. 2. 6.2. tes. 1. 6. 8 O Broeders van Hondschoten Aenmerckt dit iammer wesen Psal. 79. 3Apoc. 17. 6 ende 18. 24. Het bloedt dat werdt vergoten Van Christi Bruyt ghepresen.
Cookies on Poetry Cove