C Een nieu Liedeken, Nae die wijse van Andries Kespe. W. D. O Broeders hoort na mijnen sanck 1. pet. 4. 12Mat. 5. 12Gene. 4. 8 Niet nieus sal ick v singhen Want t'heeft gheweest van swerelts aenuanck Dat Godts kinderen quamen in lijden stranc Sathan cant niet ghehinghen. Van den beghinne is der Slanghen aert Gene. 3. 5.Joan. 8. 44.1. Joan. 3. 8. In de versenen te bijten Maer Christus vander Maghet ghebaert Haer hooft brijselt als cleyn Mostaert Apoc. 9. 10apo. 14. 18 ende 18. 2.2. Tess. 2. 8 Sy en weet wat doen van spijten. In Hondschote machmen speuren wel Haren steert roeren ter deghen Godts volck brengt sy in groot ghequel Maer sy moet vallen met haer opstel Met Godts gheest wert sy versleghen. Laet ons dan scheppen eenen moet Broeders en Susters ghepresen Al ist dat sy dul en verwoet Psalm 2. 1apoc. 17. 6apoc. 18. 20 Noch stortet het onnoosel bloet Haer oordeel wert haest ghewesen. Haren val moet seer haest gheschien apoc. 19. 10 ende 20. 15apoc. 21. 8. So Johannes heeft beschreuen In den vierighen poel hoort dit bedien Met den valschen Propheten en allen lien
Die na haren sinnen leuen. Verschrickt niet broeders cleyn noch groot Apoca. 17. 3. 4.Al sidt de Hoere onreyne Op de beeste verciert met Schaerlaken root Apoc. 18. 7Hebbende drye Croonen op haer hooft Als een Coninghinne alleyne. Apoc. 17. 2 ende 18. 3. Laetse nv eenen corten tijt Coninghen en Vorsten doen drincken Apoc. 18. 6Wt den grimmighen Beker vermaledijt Want men seer haest des seker zijt Haer tweefout dobbel sal schincken. Met haren onderdanen al Wert sy te neder ghesmeten Apo. 18. 21Als den Meulensteen met groot gheschal Sal haestich comen haren val Haren neam wert stedes vergheten. Joan. 16. 21Apoc. 12. 1 Verdraecht binnen desen met ghedult Ghy die nv sijt in baren Den tijt naeckt dat ghy hooren sult Apoc. 6. 11Dat het ghetal sal sijn veruult Van Christi Martelaren. Apoc. 6. 11 ende 7. 13. ende 19. 8. Blinckende cleederen sullen dan Godts Kinderen ontfanghen Die hier nv lijden tsy Wijf oft Man Om Christi naem in swerelts ghespan Laet ons hier naer verlanghen. Oorlof hier mede op dit pas Bidt voor ons al te samen Ephe. 6. 132. cor. 10. 4mat. 10. 20Dat wy ghewapent met Godes harnas Door sijnes gheests soeten aenblaes Ons vyanden beschamen.
Cookies on Poetry Cove