C Nae die Wijse. Van Andries Kespe.
VVy moghen nv wel weenen al 1564. Den 22. DecemberIn dese boose tijden
En schreyen tot Godt met groot gheschal
In dit ellendich iammerdal
Wie soude hem nv verblijden.
VVy moghen wel voor onsen Godt
Suchten en weenen clachtich
Om dat sijn Goddelijck woort bespot
Ende veracht wort sijn ghebot
Vande boose werelt prachtich.
Math. 24. 14.rom. 18. 18
Godts woort dat wort vercondicht claer
In allen landen crachtich
Het wort ghepredickt hier en daer
Int secreet en oock int openbaer
Voor de gantsche werelt machtich.
Esaie. 53. 1.Joan. 12. 38rom. 10. 16Die werelt en gheloouet niet
Sy blijft verhardt in sonden
Daeromme so comen de plaghen siet
Groot ongheluck en swaer verdriet
En dat in corten stonden.
Amos 8. 11mat. 21. 43Apoca. 2. 5Eze. 14. 13
De menschen gaen in boosheyt voort
Ist niet wel te beclaghen
Godt sal ons ontnemen sijn Goddelijc woort
En straffen soo daer toe behoort
Met menigherhende plaghen.
mat. 10. 15.Luc. 10. 12
Het sal met Sodoma beter gaen
Dan die Godts woort verachten
Sy sullen een swaerder sententie ontfaen
Alsmen voor d'oordeel Godts sal staen Mar. 6. 11
Wilt dit doch wel betrachten.
Godts stemme laet ons hooren hier
Dat wy niet namaels hooren Psal. 95. 7.Hebre. 3. 7 ende 4. 7.mat. 25. 41Luc. 13. 28
Gaet ghy veruloeckte int eewich vier
Daer weenen wert een groot ghetier
Ick segt v van te voren.