Sententia, quam b.m. bonae memoriae D.F. Junius tanquamparaphrasin illius Christi caput X. Joh. Ego sum via, veritas etc. solebat inscribere Albis studiosorum, variatis verbis quoties ab eo scriptam vidi.
In Albo Philiberti à Borsalia. Christus via, veritas et vita: Christianus viator, veritatis alumnus ad vitam contendens, beatus. Huic enim παθηματα μαθηματα, και η εις τα στενα καταβασις γινεται εις το ευρυχωρον της αρετης αναβασις
In Albo Thobiae Mierbeke.Christus via, veritas, et vita: Christianus quisquis est in hac via, per veritatem contendit ad vitam: cui alia quaevis (ut putatur) via est invia: cui omnia praeter veritatem falsa, imo praeter vitam lethalia.
In Albo Justi Lyraei. Christus via veritas, et vita: Christianus viator, veritatis alumnus, et vitae haeres. Quisquis Christianus est, is se meminerit hac viâ per veritatem ad vitam contendere sanctè et religiosè oportere.
In Albo Nobilis ex satellitio Ducis Caroli, Swediae Gothorum et Vandalorum Principis. CHRISTUS Via, Veritas, vita: Christianus Viator in Schola veritatis ad vitam perducitur. Vias nostras in veritate ad vitam contendentium et alios ducentium in te ipso dirige, ô VIA, ô VERITAS, ô VITA AETERNA.
In Albo Sam: Radermaker.Christus via, veritas et Vita. Quid ergo Christianus, nisi viator veritate contendens ad Vitam? Hoc meditari, in hoc nos esse oportet, qui Christi sumus, et Christiani ab illo audimus.
Fr.Junius scripsi Lugduni Batavorum a.d.X. Octobris MDCII
Obiit decimo tertio post scriptum die.
[blanco]
Cookies on Poetry Cove