Den vijfden stichtsanck, op de wijse van den 130. Psalm. Wt de diepten o Heere.
1 Sijnde rechtueerdich mede // Door het ghe-
looue schoon, Hebben met God oock vrede, Door Christum zijnen soon, Door welcken wy vercreghen, Ghenaed' door hem bereyt, Met vreucht in hoop gheleghen, In Godes heerlijckheyt.
3 Ende dit niet alleene, Maer wy zijn oock verheucht In des lijdens gheweene, Wetende dat dees deucht Hier lijdtsaemheyt can wercken, 4 Lijdtsaemheyt proeue raemt, Proeuingh doet hoop verstercken, En hoop niet en beschaemt.
5 VVant de liefde des Heeren Is in ons hert ghestort, Door het heylichs Gheests leeren, Die God gaf, en ons port. 6. Want doen wy noch cranck waren, Sterf te bequamer tijt, Voor onrechte dienaren, Christus ghebenedijt.
7 Naulijck sou yemant steruen
Om tsrechtueerdighen wil, De liefd' die wy verweruen Van God is wijt gheschil: 8 Christus leedt t'sdoots beswaren Voor ons aen t'hout des cruys, Doen wy hier noch sondaren Waren [en verdt van huys.]
8 Door dit bloet hooch ghepresen Sullen wy dan veel meer, Van toorne ghevrijt wesen, En gherechtueerdicht seer: 10 Want creghen wy vyanden, Versoeningh' door zijn doot Tleuen dat brengt ter handen Salicheyt wel so groot.
11. Ende dit niet alleenlijck, Maer in God roemen wy Door Christum, want certeenlijck Den troost die ons quam by, Die is door hem vercreghen, Versoeningh' is gheschiet, [Van Adams sondich pleghen, Looft God diet al versiet.]
12 Daerom ghelijck de sonde Hier quam door Adams val, En door sond' comen ronde De doot hier ouer al, Ghelijck werdense schuldich Door de sond' van Adam, Wt welcken menichvuldich De sond' op allen quam.
14 Adam is een figuere Van Christo door Gods raet: 15 Maer met der gauen puere Ist niet als met misdaet:
16 Wt schult quam ons beneuen Verdoemenisse swaer, Door Christum wert ghegheuen Ghenad' [als middelaer.]
18 Ghelijck de sond' eens menschen Verdoemenis hier brocht, So is niet om verwenschen Rechtueerdicheyt ghewrocht: 19 Ghelijck door onhoorsaemheyt Vele tot sondaers zijn, Maeckt Christi aenghenaemheyt Veel rechtueerdich en fijn.
20 Voorts is de wet vrymoedich, Daer by inne ghekeert, Op dat sond' oueruloedich Hier soude zijn vermeert. Maer waert also ghebeurde, Quam de ghenade soet, Oueruloedich wt scheurde Wt liefden haren gloet.
21 VVant sy heeft heerschappije Ghelijck de sonde fel, Had in voorleden tije Door Adams boos opstel, Rechtueerdicheyt tot tleuen Quam ons dit vry ghelooft, Door Christum hooch verheuen Ons Heer ende ons hooft.
Cookies on Poetry Cove