Zwabische tekst.
1.
Winter wil uns jar lank me
Twingen, heide und ouch der walt,
Unt dar zuo den gruenen kle
Machet er gar ungestalt;
Voglin twinget sin gewalt:
Dat klage ich, unt da bi me
Dat diu schoene ist mir geve
Die ich von herzen minne.
Genade, Venus, ein künigin,
Din eigen diener wil ich sin;
Hilf, daz ich trost gewinne.
2.
Ir mündel rot, ir wengel schin
Und ir liep gar wol gestalt,
Daz ich den muoz vremde sin
Des wird' ich in sorgen alt:
Si begat an mir gewalt
Unde sündet sere sich
Daz si sus verderbet mich
An herzen und an sinne.
Genade, Venus, u.s.w.
3.
Genade, minneklichez wip,
Noch lat mich iuwer hulde han,
Gedenket, daz min sender lip
Dienstes iu ist undertan:
Des sült ir mich geniezen lan,
Also daz ir troestet mich.
Genade, vrouwe minneklich
Mins herzen küniginne.
Genade, Venus, u.s.w.