Zwabische tekst.
1.
Menik creatüre ist blide
Diu biz her in sorgen was,
Dast natürlich gegen dem zide;
Doch helt mich minne in ein pas:
Si tuot mir, daz ich verswine.
Genade, kuische, werde, fine,
Umb iuch pense ich tag unt naht.
Mir stet truobe von ir ze sine
Noch danne lide ich bi ir pine:
Daz tuot rehter minne kracht.
2.
Maniger helt von minnen tale,
Den noch nicht twank der minnen bant;
Ich wolde, daz man s' kande wale,
So wurde guote minne niht geschant.
Ez ist cleric, leie, noch begine,
Si ouge sich uzen liep ze sine
Des doch inz herze nicht enaht.
Mir stet truobe, u.s.w.
3.
Het' ich die kür van allen vrouwen
Son' wandelt' doch niht daz herze min,
So sere minne ich eine mit trouwen,
Daz ich ir undertan muoz sin;
Enzwischen Mase unt den Rine
Ist kein schoener, danne diu mine:
Si lit vast in miner gedaht.
Mir stet truobe, u.s.w.