Zwabische tekst.
1.
Ik sach noit so roden munt
Noch ouch so minlich ougen,
Als si hat, di mik hat gewunt
Al in dat herze dougen:
Dog leve ik in hougen,
Unt hoffe es lon entfan,
Geft si mir kwale dougen
Si mag mis bettern san.
Lieb, mich hat ü minne
So vründelik bevan,
Dat ik iu mit sinne
Muoz wesen undertan.
2.
Mik es wol, als ik mag sin
Bi minre sconen vrouwen,
Und ik danne ir klaren scin
End er gelat mak scouwen.
Got verre si van rouwen!
Si est so wal gedan
Dat ik er bet trouwen
Muoz z'allen diensten stan.
Lieb, mich hat, u.s.w.
3.
Reiner wibe guete
Sint vür truren guot;
Si gent hoch gemuete
Daz gar sanfte tuot.
Swenne si wellent lachen
Uz bluenden mündelin rot
Truren si künnen verswachen
Unt vertriben not.
Lieb, mich hat, u.s.w.