Zwabische tekst.
1.
Minlich unde guot
Hübsch und reiner sinne
Ist si, unt wol gemuot,
Die ich mit triuwen minne.
Si ist küniginne
In mines herzen grunt,
Da si bestet ist inne,
Nu und ouch z'aller stunt.
Vriuntlich bevangen
Hat mich ein roter munt,
Unt zwei liehtiu wangen,
Da bi ein kele runt.
2.
Noch würde ich gesunt,
Troste mich diu minnekliche,
Diu mich hat verwunt:
Ach, genade, tugenderiche!
Ich muoz sicherliche
Sterben in kurzer stunt,
Mir werde genaedekliche
Danne iuwer guete kunt.
Vriuntlich bevangen, u.s.w.
3.
Liehtiu ougen klar
Minneklich ein lieplich kinne,
Tuont mich sorgen bar.
Ach, genade, küniginne!
In sender not ich brinne
Nach in in aller stunt,
Helft mir, dag ich gewinne
Trost miner saelden vunt.
Vriuntlich bevangen, u.s.w.