Ghebedt.
§ O Godt schepper hemels end der erden, gheef dat wy
ons also oeffenen inder aenmerckinghe dyner werken, dat die in ons wercke een gants gheestelicke vrueghde ende ons aenbringhe een rechte vruchte dyner maiesteyt Gheef oock dat wy door den voorspoedt der godloosen niet ghebracht werden, dat wy ons met hen vermenghen, mer dat wy door ansien hueres gruwelicken endes soecken stantuastigh te blyuen in dyner ghemeynte, hoe verachtelick wy daer oock schynen moghen: Op dat wy mit verkondighen dyner gherechtigheyt ende goedicheyt eyndelicken tot dy opghenomen werden door den middel dynes Soons Iesu Christi, Amen.