Ghebedt ouer der begrauinge.
Ioan.5.15, & 5,24, WY dancken dy almachtighe Eewighe, barmhertige vader, dat du onsen broeder N. vth der elende deser wereldt (daer du hem vor een tydt, na dyner vaderliker goedicheyt, inne geoeffent hebst) in waren geloiue dynes Soons Christi Iesu verlosset, ende syne siele in dyn ryke ontfangen hebst: Dan,12,2. Iob,19.15, Psal.16,9, Welckes lichaem du oock to syner tydt, tot der onsterfliker heerlycheydt (die du allen gelouigen door Christum toegesecht hebst, erwecken wilt.
Wy bidden dy, wil ons mit dynen heyligen Geest bystaen, dat wy vth
desen exempel geroert werden, de ernstafticheyt dynes tornes ouer onse sunden, Rom 6 i8. Gol 3 5 Luc 1.75. te erkennen ende mit myden derseluen, dit vergancklike leuen kleyn achten, onse oigen altydt op dy hebben, ende in warer heylicheit ende gerechticheyt alle de dagen onses leuens voor dy wandelen mogen: Op dat wy oock in waren gheloiue dynes Soons van hier verscheyden ende eewelick by dy leuen mogen, door denseluen dynen Sone Iesum Christum, die mit dy ende den heylighen Gheest, is een enich ende eewich Godt altydt ghepresen. Amen.