Qui confidunt in Domino
Dat de stadt Ierusalem niet so bewaert is met berghen, als Godgheloouighe doer de by stadicheyt Gods. So wie hier haer betrouwen gaer,
Op God den Heere legghen:
Die blyven gans onwanckelbaer,
End laten haer niet beweghen;
Haer ghelooue is vast op God ghepast,
Op wien sy alwech mercken,
Daer om voerwaer so blyuen sy eenpaer
Uast, als des Syons berghe.
Ghelyck die stadt Ierusalem,
Om ringhet is mit berghen,
Daer doer de viandt wert ghetemt,
Dat hy se niet verderue:
So omringt God in aller noodt,
De syne, end wilt se ankleuen,
End haer by staen van nu voort aen,
Tot in dat eeuwich leuen.
De ongherechtighe sullen ouer de gerechtighe gheen ghedurighe heerschappie hebben God is gherecht ende alwech goet,
Hy sal oock niet toelaten,
Dat de godloose hebben den voet,
Ouer syn huysghenoten,
Op dat de knecht die daer is recht,
In sonden niet en valle,
Goet onderstandt mit syner handt,
Doet God den vromen alle,
O Heer doet wel den vromen al,
Die recht in t’ghelooue leuen:
Maer die daer leuen na haer gheual.
End haer tot boosheyt gheuen,
Die sal de Heer mit groot oneer,
Uerwerpen mit de quaden,
Maer eewelick wel sal Israel,
S’Heeren vrede hebben. Amen.