Non nobis Domine non nobis.
Den eenighen ende almachtighen God behoort alle eere toe. Niet ons niet ons O eewigher Heer, Maer dynen name gheuet die eer, Om dyn goetheyt end trauwe, Waerom souden wy der heyden spot Sijn, dat sy segghen, waer is haer God: D’welck ons mit recht mach rauwen Want onse God in Hemel is, Hy maket al wat hem ghelust: De ydelheyt der afgodischer bilden. Maer haer goden ghemaket syn Wt gaudt end siluer, doer menschen handt, Sy hebben mondt, end spreken niet Sy hebben ooghen end ghein ghesicht. Alleluya, Loeft den Heere.
Sy hebben ooren, end hooren niet: Hebben oock nuese, ende gheinen rueck, Niet een onder haar allen. Sy hebben handen, end grypen niet: Si hebben voeten, ende gaen ghein tridt, Haer keel kan geensins kallen De straffe der bilde makers. Die sulcks maken syn oock also, End die daer op verhopen oock: De gheloouighe moeten op God betrouwen. Maer du Israel end Aaron, End die den Heer vreeset vrom, Hoept doch al op den Heere mildt, Want hy dyn hulp is, ende schildt: Alleluya, loeft den Heere.
De goetheit gods tot de syne. De Heer ghedinckt onser ghenadelick, End sal ons seghenen eewelick, Mit syn heylighe gauen, Hy sal seghenen t’huys Israel, End t’huys Aaron oock euen wel, So verr’ als sy gheloouen. Hy sal oock seghenen alle die, Die God den Heere vreesen hier, Weder sy klein syn ofte groot, Die Heer sal dy in dynen noodt, Ueel meer ander weldaden doen, Tot dy ende dynen kinderen vroem, Alleluya, Loeft den Heere.
Ghy sy’het die God gheseghent hat, Doer welcken Hemel end eerde staet, End wat daer is beneuen, Den Hemel behouden heeft onse God, Uoer hem, end den menschen voer haer lot, De Eerde heeft hy ghegheuen, De dooden sullen dy O Heer Gheen lofdanck gheuen nemmermeer: Esa.38.d Psal. 6.a Noch die daer varen in de stil, Hebben daer toe noch hert noch wil: Maer wy syn Gode tot lof bereydt, Uan nu tot inder eewicheyt, Alleluya, loeft den Heere,
Cookies on Poetry Cove