Beati omnes qui timent dominum.
I. V.
De vreese ende ghehoorsamicheyt Gods, is tbeginsel aller voerspoedt in den huwelicken staet. Salich is hy bedeghen,
So wie den Heere vreest,
End wandelt in syn weghen,
Rechtsinnich in den gheest:
Den arbeydt dyner handen
Dy wel sal konnen voen,
End sult in alle standen
Spoedich syn in dyn doen.
DE vruchtbaerheyt der kinderen. Dyn wyf sal vruchtbaer wesen,
Als wynstocken vruchtbaer,
Die dynen huyse ankleuen:
So sullen oock voerwaer,
Dyne kinderen beklyuen,
In groot ghetal ghesont.
Als planten van Olyuen,
Ouer dyn tafel ront.
Die goddelick leuen in den huwelicken staet, ontfangen gheestlicke ende wtuendighe gauen van GOD. So sal bespoedicht wesen,
Die Godt ten rechten dient,
Wt Sion Godt ghepresen,
Dy salich maken wilt,
Op dat du gansch dyn leuen,
T’voerspoet Hierusalem,
Aenschaut end daer beneuen,
Godt pryst mit herte end stemm.
End sult wt dynen sade,
Dobbel gheslachte sien,
In Israel ghenade,
End vrede bouen dien:
Dy sy O Heer ghepresen,
Lof in de eewicheyt.
Gheeft dat wy moghen wesen,
Tot dynen dienst bereydt,