Sonnet.
Ie vis ma Nimphe au coing d'ung ioly pré,
Au mois de May, aupres d'ung iardinage,
Enuironné d'vng clair & beau riuage,
Estant par tout fort plaisamment bordé
De lis, de fleurs, & d'herbes diapré:
On ne vit onc plus ioly paysage,
Plus beaux tapis, ny plus plaisant feuillage.
Tant noblement estoit le champ orné.
Comme Flora entre fleurs estoit elle,
Pour sa beauté il faut bien qu'on l'appelle
I'Alme Venus: pour son sauoir, Minerue:
Diane aussi pour sal chasteté grande:
Pour son bon port Iunon qui tout commande
Depuis ce temps deuint ma raison serue.