Emblema. Tela Aranearum, quam grandia perfringunt animalia, minoribus illi inhaerentibus.
Dat veniam Corvis. Juv.Ad Horat. Epid. 11.TIneas, minores musculas, parvas apes,
Illaq́ueare solent
Aranearum stamina.
Corvi rapaces, Vultures & Milvij,
Retia non metuunt,
Ast fila rumpunt pendula.
Saepè impotentes, pauperes luunt viri;
Carcêre liber abit
Donando latro maximus.
Auro loquente, Ratio (prò! pudor) silet;
Omnia muneribus
Parere Pluti cernimus.
Torquere pravos Judices donis nequis?
Te mala crux miserum,
Restisq́ue torquet pendulum.