Emblema. Horologium sine pondere.
Sine pondere mutum.Ad Horat. Od. 4. lib. 1.MAchina vocalis, quae turribus eminet superbis,
Horasq́ue totam detonat per urbem:
Si desit plumbum revolubile, pendulúmve saxum,
Tacet, nec horas indicat sonoras.
Vobis, Causidici, talis quadrat optimè rotarum
Moles; tumentes bile nè legatis.
Auri ac argenti dum pondera dantur, ac feruntur,
Datis loquelam, Rusticis medelam.
Astea dum cessant, cessat quoque sermo; mox, tacéte
Bursâ, tacetis, verba non habetis.
Estis divitibus promptissima turba, fraude plena,
Dum plena flavis nummulis crumaena.
Ridete hos fungos, hos ludite garrulos forenses;
Est digna salsis haec cohors cachinnis.