Emblema. Mensa cibis lautissimis referta; Nonnulli qui ad caminum tabacum sugunt.
Tantus amor fumi.Ad Horat. Epod. 15.ESse quid hoc dicam? sordescunt fercula lauta,
Condita raro embammate.
Ore trahunt fumos, exsugunt ore tabacum,
Sapitq́ue vel prae Nectare.
Tantus amor fumi, minimo difflabilis Euro,
Cupido tanta fistulae.
Esse quid hoc dicam? vos, vos, quibus inclyta Virtus,
Pietasq́ue sordet pristina.
Vos, quibus arridet Mundi fucata voluptas,
Et fluxa vitae gaudia.
Desipitis miseri; naturam, quidquid amatis,
Speciemq́ue fumi possidet.
Fumus honos, & fumus opes, fumusq́ue voluptas,
Et fumus orbis integer.
Blandidulis quidquid vobis largitur ocellis,
Id fumi adinstar disperit.