Emblema. Apiarum, & Genius, quem parvula Apis irritata, pungit.
Vngit, sed tandem pungit.VOs quoq; qui molles vacuosque; laboribus annos,
In studiis agitis, Piëridumq́ue choro:
Vos, inquam, Studiosa cohors, lasciva, petulca,
Scandite, sed properè, scandite pegma meum.
Cernitis hunc pupum lacrymantem & mollè trementem?
Lascivum spinâ parvula pungit Apis.
Hanc nimiùm petulans, hanc irritaverat amens;
Vngit, sed tandem percita pungit Apis.
Desine mirari Juvenis lascive, Magister
Candida dum virgis posteriora ferit.
Te molli admonuit monitu, & formidine leni
Saepiùs; ast surdo nîl nisi verba dedit.
Sanis insanus monitis parere recusas,
Virgis aut ferulis cogitur esse ferox.
Ungit, dissimulat, connivet saepè Magister;
Sed tandem pungit, quae priùs noxit Apis.