Emblema. Stultus qui Fidem, Cytharam, aliaq́ue Instrumenta Nobiliora pedibus proterit, solam autem inflat Tibiam.
Tibia sola placet.VAh! eburna testa Phoebi,
Vah! jocosa nablia;
Vah! canora fila plectri,
Vah! sonora barbitos:
Est agrestis, non amaena
Cantio, quam promitis;
Est avena cum cicuta,
Sola dulcis Tibia.
Stultus ille quem videtis,
Ritè tales exhibet,
Qui virorum providorum
Sana spernunt dogmata,
Et salubres non honorant
Deprecatiunculas.
Solistulti verba stulta,
Praedicant & diligunt.
Eia prodi, rumpe splenem
Risibus Democrite;
Hos carentes mente fungos,
Lude plenis faucibus.