Iocosam Mundi Stultitiam, aut potiùs malitiam Iuris publici facientis.
AUdio, frondosis resonas in vallibus Echo,
Respondent ripae, concava saxa sonant.
O Dea! quid cessas? semper tenè audio, nunquam
Invenio? Venio. Nùm modò Nais? Ais.
Eia age, rumpe moras; quaeso, mihi pauca loquare.
Quare? Nùm Fatuus Mundus hic egregius?
Regius. Attestor. Testor. Sine felle lepores
Exhibet; haec nequeunt scripta latere. Tere.
Duntaxat. Taxat. Discrimina. Crimina Mundi,
Non Fatuus Mundum qui sibi quaerit. Erit.
Hic Liber à Momo nè diffametur. Ametur.
Infringat, Ringat. Symbola Stulta placent.
Ingenium. Genium, Authoris redamemus, Amemus:
Laurea conveniunt, Aurea serte Viro.
Nestoreos annos est dignus vivere. Verè.
In studijs mihi sit dulce levamen. Amen.
Apposuit in grati animi Symbolum
Theodorus Verjuys, Poëta Brux.