In Statuam Laureatam quam Collegium Medicum sub auspiciis amplissimorum Consulum civitatis Harlemensis LAURENTIO COSTERO Viro consulari Typographiae inventori primo, in Horto Medico Harlemensi, erexit MDCCXXIII.
Quam Statuam medio Medicorum eernis in Horto,
Costeri effigies est rediviva Senis.
Ille Typographicae patriâ Pater Artis in Urbe,
Diffundit nomen cuncta per ora suum.
Laurenti meritam cedat Moguntia palmam,
Ille tenet primum, quem tenet Alpha,Lusus in primâ alphabeti literâ quam L. Costerus manu tenet. locum.
Illius Arte, Artes omnes, Linguaeque renatae,
Et sparsa in mediâ lux nova nocte fuit.
Rottera cum magnum Statuâ decoravit Erasmum,
Expositum medio conspicuumque Foro;
Tempus erat Statuam Costero ponere dignam.
Hanc Medici Statuam jam posuêre Viro.
Ite ô Amsteliae Harlemum simul ite Camoenae,
Et mea ferte novis carmina cusa typis.
Laurentis viridi praecingite tempora lauro.
Laurea Laurentem non nisi Serta decent.
Sic illi priscum redeat decus, & nova fiat
Harlemum Musis ara, columna, domus!