Ghebedt teghen de drij vyanden onser sielen.
O Coninck der coninghen, ende Heere der heer-crachten, ick worde bevochten, en lijde gheweldt van alle canten: De Weerelt wilt my verheeren, t'Vleesch rebelleert, ende de Duyuel wilt den meester maecken: Helpt my, o Godt, dat ick den gheduerighen strijdt van dit leuen, soo wettelijck deur-comen magh, dat ick de croone der hemelsche glorie versekert zij. Amen.