Spiegelboeck

De besluytreden by den Poeet oft Dichter, ghestelt als voren.

Waer was ter werelt oyt, een meerder trou bevonden, Als de dese nu is, noyt was t'eenighe stonden. Sulcx ghesien oft ghehoort, o Heer VVelphe u vrou, Is u ter deech gheweest, goet, jonstich, en ghetrou, Sy is warachtich veel, deuchden en eeren waerdich. Lof diemen haer naer seyt, coemt haer toe rechtveerdich, Ten is gheen vvonder oock, dat haren prijs wijt strect, En de mans worden door, dit heerlijck stuck verwect, Een deuchdelijcke vrou, seer weert en hooch te achten, Salich zijn sulcke die, naer haer mans welvaert trachten, En die niet af en gaen, in gheenen teghenspoet, Voor alle vrouwen is, dit eenen spieghel goet, Der ghetrouwicheyt, die, elcke vrou moet bewijsen,

Haren ghetrouden man, en sy Zijn hooch te prijsen, So sy dees vrouwen hier, volghen in dese deucht, Alsulcke vrouwen Zijn, des mans eer en zijn vreucht, Door sulcke cloecke daet, sy des mans hert weer winnen, En is groote oorsaeck, dat de mans haer beminnen, En crijghen voor de deucht, wederom deucht te loon, Een deuchdelijcke vrou, is haers mans waerde croon, Conrardus heeft hier oock, veel lofs en eer vercreghen, Des Keysers vrome daet, en dient hier niet versweghen, Den prijs coemt hem te, die, hy met ghenaed behaelt, Want een ghenadich Vorst, sal altijt onghefaelt, Alom hooch gheacht zijn, boven de wreede Vorsten, Die altijt vroech en spaed', naer des menschen bloet dorsten, En laden so op haer, eenen eewighen haet, Gheluckich is die can, in als ghehouden maet, En d'overwinning hem, laet 'thert te vreden stellen, Den overwonnen niet, en soect ter doot te quellen, Ghelijck Conrardus hier, in dit stuck heeft ghedaen, Eenen eewighen lof, heeft hy hier af ontfaen, Dat hy hem sonder bloet, noch int lest liet ghenoeghen, En dees vrouwen die haer, mans op schouderen droeghen, Haer ghenadelijck heeft, so ghehouden zijn woort, Wel te recht was hy op, VVelphum gheheel ghestoort, Nochtans liet hy ghenaed', hier voor wreetheyt wijs,, blijcken, Ghenaed' met Reden sal, eewichlijck den prijs,, strijcken.

Eynde des Spieghels der Ghetrouvvicheyt.