Ghedenck-boeck

[GHij Leijdsche scharen]

GHij Leijdsche scharen, Wilt loff verclaren Aen onsen trouwen God, hooch verheven, Wilt hem prijs en danck eeuwelijck gheven, TIs den Heer die doet, Tis den Heer die doet, Tis den Heer die doet, Den vijand beven.

Leeft nu met vreughden, God doet u deughden, Die inden nood u wilt troost toesinden, Den vijand is wegh, neemt in u vrinden, God toont dat ghij zijt, God toont dat ghij zijt, God toont dat ghij zijt, Sijn wel beminden.

Die noijt verflouden, Hoe u benouden, Veel hongher, en pest hebt ghij gheleden, Als u Naebueren haer beste deden. Om te sprijsen u, Om te spijsen u, Om te spijsen u, Wt hare Steden.

Ghij waert besloten, Noch onverdroten, Ghij had niet meer waer met u versaden, Den vijand docht in u bloed te baden, Maer ghy zijt ontset, Maer ghy zijt ontset, Maer ghy zijt ontset, Door Gods ghenaden.