Periculum venit, cum contemnitur.
IMbelli noceat cui mollis araneus ictu?
Et quis non rigido tactus ab angue cadat?
Huic tamen incumbens victrix dominatur arachne,
Et vastum tenui perforat ense caput.
Vnde fit, vt coluber parvo cadat ictus ab hoste?
Languebat serpens, & vigil hostis erat.
Quam facilè est struere insidias nil tale timenti!
Est, quod ei metuas, cui metus omnis abest.