Ex morte levamen.
XLVI.
Cyprae. de Iur. Connubior. cap. 9.
NVptias impares (ita nuncupant juristae matrimonium senis decrepiti & floridae virginis L. si maior C. de Legit. Haered.) praeter alia multa incommoda inducere votum captandae mortis, tragicus exitus non rarò docuit, hinc nuptiae Sophoclis & Alcippes hujusmodi dicterijs exagitatae leguntur:
Noctua vt in tumulis, super vtque cadauera Bubo,
Talis apud Sophoclem nostra puella sedet.