Corpora communia, sed non pecunia.
PEr latices, Neptune, tuos diffunditur amnis,
Cui remanet totus, qui fuit ante, color:
Mixta nec vnda mari, mare nec miscetur in vndis
Fluminis, & proprius piscis vtrique manet.
Heus vbi sancta fides? vbi dulcia foedera lecti?
Vtraque sepositas arca reservat opes:
Corpora sunt nobis communia, lege iugali,
Cum mihi te dederis, cur tua, Phylli, negas?