O Demens! ita servus homo est?
MVlta quidem totam patrantur inepta per vrbem,
Cumque petis causam, mos iubet ista, ferunt.
Annè igitur stolidi nos stringat opinio vulgi?
Regula num vitae factio plebis erit?
Stamine sic fragili, vel stramine morio vinctus
Vah! sibi compedibus crura sonare putat.
Serviles vilesque sumus: prô vincimur, imò
Vincîmur miseri, causaque nulla subest.