Inimicus amicum cum simulat, inimicissimus est.
VNa fovetque necatque manus, num virginis hoc est?
Perfida sit, fidei quę modo pignus erat?
Pręvia sunt flammę, sunt praevia signa ruinę,
Ante nec offendit, quam latret, ore canis:
At perimit, dum mulcet homo, ridendo minatur;
Blanda salutantis dextera, virus habet.
Quis vigil, aut sapiens humana pericula vitet,
Cum nullam hîc faciant pręvia signa fidem?