Viri infortunati procul amici.
DVm distenta cutis pinguedine, sanguine vena,
Sunt comites homini vermis, & atra pulex;
At simulac lentum mors congelat aegra cruorem,
Neuter adest; nec enim, quo foveatur, habet.
Blandus adulator nitido comes haeret amico,
Lenis honoratam dum vehit aura ratem:
Hunc videas, piceis cum sors tonat atra procellis,
Jn medio socium deseruisse mari.