Amans sibi somnia fingit.
PJcus, vt exiguo vix robora contigit ictu,
Jam mihi, jam, clamat, peruia quercus hiat;
Rima, diem video, patet, ô patet, inquit, at eheu!
Vix patet exiguo vulnere prima cutis.
Stultus amans, simul-ac solito minus aspera virgo est,
Clamat, jô, victas jam dedit illa manus.
Intempestivum stolido canit ore triumphum,
Et sibi vana movet, somnia quisquis amat.