Quid dormitis? surgite & orate, ne intretis in temptationem.
FRonde super viridi, radijs tepefactus eois
Otia dum serpens desidiosus agit,
Ex alto tenui se librat aranea filo,
Et colubrum paruâ cuspide fundit humi.
Otia virus habent, & habet sors laeta venenum;
Delitijs vitijs mentis aperta via est.
Sperne voluptatum illecebras, puer, otia sperne,
Hoste sub aërio ni cecidisse velis.