Mors larvae similis, tremor hinc; nihil inde maligni.
ID mors est homini, trepidis quod larva puellis;
Excitat ingentes frons vtriusque metus.
Larva fugat pueros, frontem, non terga, videntes;
Ast alijs risùm posteriora movent.
Sensibus incurrit cum lurida mortis imago,
Hei mihi! quam multis spes animusque cadit.
At cui terga necis melior doctrina revelat,
Clamat, ades vitę mors melioris iter.