Nullum virtuti solstitium.
CRescis, & extremis vel jam, Crocodile, sub annis,
Majus adhuc Nili tollis ab amne caput.
Jncrementa decent Christum, tam longa, professos,
Nescius augmenti vir bonus esse nequit.
Nuniades sistat, retrotrahat Hiskia Phoebum,
Dux solymi Vatis sol tibi solus eat:
Ille, velut sponsus thalamo redit, altaque lustrat
Sidera. virtutem non decet vlla quies.