Non bene olet, qui bene semper olet.
QVem situs infecit Phyllis tegit arte colorem,
Quod micat aurato stamine, menda fuit.
Quid picti fictique iuvant mendacia vultus?
Hanc natura fugit, quae petit artis opem.
Crimen habet formosa nimis: quę spirat odores,
Crede mihi, vitium quod tegit, ore gerit.
Non natiuus honos, sed picta videtur imago,
Semper vbi roseo vernat honore cutis.