Qva non vrit.
PArs Sudis igne caret, rapidis calet altera Flammis;
Hinc nocet, illaesam calfacit inde manum.
Ecce! Bonum Deus, Ecce! Malum mortalibus offert,
Quisquis es, en tibi mors, en tibi vita patet.
Optio tota tua est, licet hinc, licet inde capescas;
Elige, sive iuvet vivere, sive mori:
Quid tibi cum Sodomâ? nihil hîc nisi sulphur & jgnis,
Quin potius placidum, Loth duce, Zoar adi.