Nimia libertas fit seruitus.
LJber eram, memini, per amoena vireta ferebar;
Nec mihi grata quies, nec satis vna domus:
Polline distento prę polline grana placebant,
Saepe merum pepulit, saepius vnda sitim.
Huc tandem nidore novo me pellicit esca,
Quam, miser! vt cępi lingere, captus eram:
Libertas nocuit. fit stulta licentia carcer,
Omnia dum lustrat musculus antra, perit.