Dum trahimus, trahimur.
HAEc Domina est, medio quae surgit ęquore, Rupes
Quemque vides, paruae navita puppis, ego:
Dum traho te, mea Vita, trahor, tu tracta quiescis,
Non trahis, ipse sequor: te traho, Phylli, manes.
Nil agis, ast ego totus agor: nihil ipsa moveris,
Tota sed intereà tu mihi corda moves.
Me miserum! ad Dominam veniens tractusque trahensque
Hoc magis, heu! cupio quo magis illa negat.