Adtrahens, abstrahor.
SJt fatalis apex, scopulus quem conspicis, hospes,
Esto tibi parvae navita puppis, homo:
Aspicis, vt vastam convellat homuncio cautem,
Inque levem satagat ducere saxa ratem;
Jlla suo stant fixa loco, nec tracta sequuntur,
Qui trahit, intereà se videt ipse trahi.
Fata reluctantes rapiunt, ducuntque sequentes;
Cedere qui non vult sponte, coactus abit.