Arrogantia, Profectus obstaculum.
NVm penetrent morsus in singula vulnera quaerit,
Dum nimium rostro Martia fidit Avis.
Peruia ligna forent, nisi peruia, Pice, putasses;
Dum ruis hûc illûc, tempus inane volat.
Quî poterit, doctum qui se putat esse, doceri?
Quî sapiet, qui se jam putat esse sophum?
Semper inanis erit mens, qui sibi plena videtur:
Doctus erat, doctus ni sibi quisque foret.